Անցած շաբաթվա ընթացքում ամբողջ աշխարհում գրանցվել է կորոնավիրուսով մարդկանց վարակման ավելի քան 18 մլն նոր դեպք: Այդ մասին Ժնևում տեղի ունեցած ճեպազրույցի ընթացքում հայտնել է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Հեբրեյեսուսը՝ ընդգծելով, որ հաջորդ մի քանի շաբաթները ծայրաստիճան կարևոր են լինելու համավարակի դեմ պայքար մղող առողջապահական ծառայությունների համար:
ԱՀԿ ղեկավարը նաև հավելել է, որ COVID-19-ի «Օմիկրոն» հիմնամանրէն շարունակում է արագորեն տարածվել աշխարհում: Նա մոլորություն է համարում այն պնդումը, թե տվյալ շտամի հարուցած հիվանդությունը ավելի «թեթև» է:
