Ուզբեկստանում կորոնավիրուսով վարակման առաջին դեպքն է գրանցվել։ Այդ մասին հաղորդում է РИА Новости-ն։
Աղբյուրի տեղեկություններով՝ մարտի 15-ին վիրուսոլոգիայի ինստիտուտի լաբորատորիայում Ուզբեկստանի քաղաքացուհու մոտ COVID-19 է ախտորոշվել։ Նշվում է, որ կինը Ֆրանսիայից է վերադարձել։
Իշխանությունները պարզել են այն անձանց շրջանակը, որոնց հետ շփվել է վարակակիրը։ Այժմ պարզում են Փարիզ-Տաշքենդ չվերթի ուղևորների բնակության վայրերը՝ նրանց նկատմամբ հսկողություն սահմանելու համար։
Հիշեցնենք, որ Ուզբեկստանը դադարեցրել է ավիահաղորդակցությունը Ֆրանսիայի հետ։
