Հունաստանի ազգային օլիմպիական կոմիտեն դադարեցրել է օլիմպիական ջահի փոխանցումավազքը: Որոշումը համատեղ կայացրել են Միջազգային օլիմպիական կոմիտեն և Հունաստանի առողջապահության նախարարությունը: Պատճառն այն է, որ բնակավայրերով կրակի տեղափոխումը, հոծ բազմության պայմաններում, հնարավոր է նպաստի վարակի տարածմանը:
Կողմերը որոշել են վառվող ջահը «Տոկիո-2020»-ի կազմկոմիտեին փոխանցել մարտի 19-ին, «Պանատինաիկոս» մարզադաշտում` առանց հանրության ներկայության:
