Չինաստանից Իտալիա է գնացել 9 հոգանոց բժիշկների խումբ, որը պետք է օգնի պայքարել կորոնավիրուսի դեմ: Այս մասին հայտնում են չինական լրատվամիջոցները:
Նշվում է, որ բժիշկները ժամանել են Շանհայից: Նրանք իրենց հետ տարել են անհրաժեշտ բժշկական և պաշտպանական նյութեր, ընդհանուր` 30 տոննա:
Իտալիայում Չինաստանի դեսպան Լի Ցզյունխուան ասել է, որ Իտալիայում համաճարակի դեմ պայքարի փորձառության պակաս կա: Լրատվամիջոցները նշում են, որ ավելի վաղ Չինաստանից բժիշկներ էին մեկնել նաև Իրան և Իրաք:
