ՀՀ վարչապետ Նիկոլ Փաշինյանը ֆեյբուքյան էջի ուղիղ եթերով խոսեց կորոնավիրուսի մասին՝ մասնավորապես անդրադառնալով կորոնավիրուսի շուրջ Հայաստանում ստեղծված իրավիճակին և անելիքներին։
Նա ընգծեց, որ այսօր սպասվում են լավ նորություններ կապված կորոնավիրուսի հետ։
«Այսօր կհետազոտվեն դեռևս մարտի մեկին Ծաղկաձորում մեկուսացված մեր հայրենակիցները և բավականին մեծ հավանականություն կա, որ նրանց մոտ ախտորոշումը կլինի բացասական և կուղեկցենք ետ՝ իրենց տները»։
Անդրադառնալով կորոնավիրուսի տարածումը կանխարգելող աշխատանքները համակարգող հանձնաժողովի փակ նիստի ընթացքում կայացրած որոշումներին՝ Վարչապետը հայտնեց, որ մինչև մարտի 23-ը կրթական հաստատությունների աշխատանքները կդադարեցվեն։
«Մարտի 18-19-ին ևս մեկ անգամ կանդրադառնանք այս թեմային, և եթե անհրաժեշտություն զգացվի կրկին կերկարաձգենք ուսումնական հաստատությունների աշխատանքը»,-ասաց Նիկոլ Փաշինյանը։
