Դիմակ կրելը նոյեմբերի 1-ից պարտադիր կդառնա ոչ միայն փակ, այլև՝ բաց հանրային վայրերում։ Պատճառը Հայաստանում ստեղծված խիստ ծանր համաճարակային վիճակն է, միայն վերջին երկու շաբաթվա ընթացքում քովիդը 638 մարդու կյանք է խլել։
Նորություն ասած չենք լինի, որ ռեստորաններում, ժամանցի այլ վայրերում ու հատկապես քաղաքային տրանսպորտում վիրուսը ակտիվորեն կարող է տարածվել ու արդեն իսկ ամիսների ընթացքում տարածվել է, քանի որ մարդիկ շփվել են առանց դիմակի, համբուրել միմյանց, չնայած, մյուս կողմից էլ, կարելի է ասել, որ դիմակը մարդկանց չի փրկելու վարակվելուց, մասնավորապես աբսուրդի ժանրից է, այն որ ամուսիններին պարտադրում են մեքենայում դիմակ կրել․․․Ամուսինների՞ն․․․
Կորոնավիրուսի վարակն այն աստիճանի է հասել, որ բաց տարածքում դիմակ կրելը հաստատ փրկող իրավիճակ չէ։ Միայն քաղաքային տրանսպորտում տիրող իրավիճակը փաստում է, որ դիմակը չի կանխարգելելու վարակի տարածումը, մարդկանց միչև հարկավոր է սոցիալական հեռավորություն պահպանել։ Մարդիկ երթևեկում են, բառիս բուն իմաստով գրկախառնված, ինչու՞ ՀՀ ԱՆ-ն չի պարտադրում կարգավորել տրանսպորտում տիրող իրավիճակը, ինչու՞ է ԱՆ-ն որոշումներ ընդունում, առանց հաշվի առնելու դրա անարդյունավետությունը։ Միայն ստորև ներկայացված տեսանյութերն ու լուսանկարները փաստում են, որ դիմակ կրելու համար արդեն շատ ուշ է․․․
Ս․ Ասատրյան
