Նոր կորոնավիրուսի տարածման վտանգի պատճառով Նյու Յորքում չեղարկվել է նոր կորոնավիրուսին նվիրված մի միջոցառում։ Այն ուղղված էր նոր կորոնավիրուսի պայմաններում բիզնեսը շարունակելու հնարավորություններին։ Այս մասին հայտնում է Bloomberg գործակալությունը։
Council on Foreign Relations վերլուծական կենտրոնը մտադիր էր գործարարներին վերլուծական տեղեկանքներ տրամադրել նոր կորոնավիրուսի տարածման և դրա պատճառով բազմաթիվ բիզնեսների կողմնորոշման մասին։ Սակայն ընկերությունում ավելի վտանգավոր են համարել վարակի տարածումը։
Միացյալ Նահանգներում ամենաթարմ տվյալներով հաստատվել է նոր կորոնավիրուսով վարակման գրեթե 1000 դեպք։ 29 մարդ մահացել է։ Վարակման դեպքերից ավելի քան հարյուրը արձանագրվել է հենց Նյու Յորք նահանգում։