Թուրքիայում կորոնավիրուսով վարակման առաջին դեպքն է գրանցվել

Թուրքիան պաշտոնապես հայտարարել է կորոնավիրուսով վարակված մեկ դեպքի մասին, հայտնում է РИА Новости-ն՝ հղում անելով Daily Sabah թերթին: Այս մասին հայտնել է Թուրքիայի առողջապահության նախարար Ֆահրեթին Քոջային: Վարակակիրը վերջերս է վերադարձել Եվրոպա կատարած ուղևորությունից: Ինչպես հաղորդում է NTV հեռուստաալիքը, վարակված անձը Թուրքիայի քաղաքացի է: Նրան մեկուսացրել են, վիճակը կայուն է: