Լատվիայում ճգնաժամային կառավարման վարչությունը որոշում է կայացրել կորոնավիրուսի դեմ պատվաստում չստացածներին արգելել խանութ գնալ, բացառություն հայտարարելով միայն այն առեւտրային կետերը, որոնք իրականացնում են առաջնային անհրաժեշտության ապրանքների վաճառք։ Այս մասին հայտարարել է այդ երկրի վարչապետ Կրիշյանիս Կարինիշը։
Խանութ գնալ կարող են միայն նրանք, ովքեր կներկայացնեն «քովիդ-անձնագրեր»։ Նա նաեւ հայտարարել է, որ հնարավորության սահմաններում անհրաժեշտ է քաղաքացիներին տեղափոխել հեռավար աշխատանքի ռեժիմի։ Բացի այդ, դպրոցներում բոլոր աշակերտները պետք է դիմակ կրեն։
Նշենք, որ Լատվիայում պատվաստված է բնակչության 50 տոկոսը։
