ԱՄՆ-ում ծերացման հետազոտության «Բաքի» ինստիտուտի գիտնականները հայտնաբերել են դիետա, որը կարող է զգալիորեն մեծացնել կյանքի տևողությունը, գրում է «ԼԵՆՏԱ»-ն։
Բժիշկների կարծիքով, ածխաջրերի ավելորդ սպառումը մեծ նյութափոխանակության բեռ է ստեղծում օրգանիզմի վրա: Արյան շաքարի մակարդակի անընդհատ աճը հանգեցնում է քաշի ավելացման, նյութափոխանակության վատթարացման և սրտանոթային հիվանդությունների վտանգի: Արյան մեջ ինսուլինի ավելցուկը հանգեցնում է արյան բարձր ճնշման, խոլեստերինի կուտակման և քաղցկեղի:
Ամերիկացի գիտնականների կարծիքով՝ այդ պատճառով անհրաժեշտ է հավատարիմ մնալ ցածր ածխաջրերի սննդակարգերին։
Նրանք այն անվանել են «երիտասարդության և երկարակեցության էլիքսիր» ։
Կենսաբանները եկել են այն եզրակացության՝լավագույնն այն է, որ հավատարիմ մնալ «կետոգենիկ» կամ «կետո-դիետա»-ներին (շատ ցածր ճարպերով և ածխաջրերով սննդակարգ)։
Նրանց կարծիքով, դա նպաստում է հիշողության, շարժողական գործառույթների պահպանմանը, ինչպես նաև մեծացնում է կյանքի տևողությունը: Սննդակարգը նաև դրական ազդեցություն է ունեցել 2-րդ տիպի շաքարախտով հիվանդ կամավորների վիճակի վրա։ Նրանք կարողացել են նիհարել և իջեցնել արյան մեջ շաքարի մակարդակը:
Երկարակեցության երկրորդ կարևոր կանոնը գիտնականները համարում են սննդակարգում բուսական սննդի քանակի ավելացումը: Օրինակ, բույսերի վրա հիմնված սննդի սիրահարները փորձարկման ընթացքում ունեցել են սրտանոթային հիվանդությունների զարգացման 16 տոկոսով ավելի ցածր ռիսկ: Դրանք ներառում են սրտի կաթվածները, ինսուլտները և սրտի անբավարարությունը:
