Շատ դեպքերում մարդը ինքը կարող է բուժել քերծվածքները: Ո՞ր դեպքերում է պետք անհանգստանալ: Ե՞րբ պետք է դիմել բժշկի:
Փորձագետների կարծիքով՝ քերծվածքների ապաքինումը սկսվում է գրեթե անմիջապես, եւ ամբողջ գործընթացը կարող է տեւել մի քանի օրից մինչեւ մի քանի շաբաթ: Վերականգնման տեւողության երկարելու վրա կարող են ազդել մի քանի գործոններ.
- վնասվածքի ընդհանուր բնույթը՝ որքան ավելի մեծ եւ խորն է քերծվածքը, այնքան երկար է այն բուժվում,
- մարդու առողջության ընդհանուր վիճակը,
- տարիքը՝ որքան մեծ է մարդը, այնքան երկար ժամանակ է պահանջվում ապաքինման համար,
- անոթային հիվանդությունների առկայությունը,
- ծխելը:
Այնուամենայնիվ, խորհուրդ է տրվում հնարավորինս շուտ դիմել բժշկի, եթե քերծվածքի տեղում հայտնվում են վարակի տարածման հետեւյալ ախտանիշները․
- ապաքինման նշաններ չկան նույնիսկ մի քանի օր անց,
- վնասվածքի տեղում ցավն ուժեղացել է,
- քերծվածքը եւ դրա շուրջը մաշկը մնում են տաք, այտուցված կամ կարմիր,
- ջերմությունը բարձրանում է,
- հայտնվել է թարախ կամ այլ արտադրություն:
Այս ախտանիշների դեպքում մարդը կարող է ավելի լուրջ բուժման կարիք ունենալ, ներառյալ՝ հակաբիոտիկներ ընդունելը: Ամեն դեպքում, եթե այսպիսի ախտանիշներ կան, խորհուրդ չի տրվում հետաձգել բժշկին այցը:v
