Յուղոտ ձկան մեծ եւ բուսայուղերի սահմանափակ քանակությամբ կերակրացանկը կօգնի թեթեւացնել գլխացավերն ու միգրենը։ Այս մասին ասվում է այն հետազոտությունում, որը հրապարակվել է The BMJ ամսագրում։
ԱՄՆ Ծերացման ազգային ինստիտուտի հետազոտողները Առողջության ազգային ինստիտուտների եւ Հյուսիսային Կարոլինայի համալսարանի գործընկերների հետ միասին հետազոտություն են իրականացրել, որին մասնակցել է 182 պացիենտ, նրանց 88 տոկոսը՝ կանայք, ովքեր տառապում են միգրենից ամիսը 5-20 անգամ։ Մասնակիցներին բաժանել են երեք խմբի, առաջինն ստացել է բավական քանակությամբ յուղոտ ձուկ եւ քիչ բուսայուղ, առաջին հերթին՝ լինոլային թթու, երկրորդը ստացել է մեծ քանակությամբ երկուսից էլ, իսկ երրորդը՝ շատ յուղ եւ քիչ ձուկ (հենց այսպես է սնվում միջին վիճակագրական ամերիկացին)։
Պարզվել է, որ դիետայի առաջին տարբերակը 30-40 տոկոսով կրճատել է գլխացավի ժամերի քանակությունը ոչ միայն ամեն օր, այլեւ ամեն ամիս։ Փորձարկվողների արյան մեջ հայտնաբերվել են լիպիդների ավելի ցածր մակարդակներ՝ կապված ցավային զգացողությունների հետ։
