Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեեսուսն ասել է, որ այն երկիրը, որը կկարծի, թե կարող է խուսափել նոր կորոնավիրուսից, «ճակատագրական սխալ կգործի»:
«Որեւէ երկիր չպետք է նման ենթադրություն անի, դա ճակատագրական սխալ կլինի՝ բառիս բուն իմաստով», — ասել է նա:
Թեդրոս Գեբրեեսուսը նկատել է, որ հիվանդության տարածումը Մեծ Յոթնյակի անդամ Իտալիայում «իսկապես անակնկալ էր»:
«Ուստի այլ զարգացած երկրներ եւս պետք է պատրաստ լինեն անակնկալների», — ավելացրել է ԱՀԿ ղեկավարը:
Թեդրոս Գեբրեեսուսն ասել է, որ իրավիճակը Իրանում կարող է ավելի լուրջ լինել, քան թվում էր:
