Աշխարհում կորոնավիրուսով վարակվածների թիվն ապրիլ ամսվա ընթացքում ավելացել է ավելի քան 22 միլիոնով, ինչը մեկուկես անգամ ավելի է, քան մարտի ցուցանիշը։ Նման հաշվարկ է ներկայացրել «ՏԱՍՍ» լրատվական գործակալությունը: Միևնույն ժամանակ, ապրիլ ամսվա վերջին շաբաթում հայտնաբերվել է հիվանդության շուրջ 6,7 միլիոն դեպք, ինչը առավելագույն ցուցանիշ էր համաճարակի սկզբից ի վեր։
Նշվում է, որ հիվանդության կտրուկ աճի ֆոնին մահացությունը նույնպես աճել է, բայց ոչ այդքան կտրուկ։ Ապրիլին կորոնավիրուսի պատճառով աշխարհում գրանցվել է շուրջ 302 հազար մահ,10%-ով ավելին, քան մարտին:
Հնդկաստանը, Թուրքիան, Լատինական Ամերիկայի և Արևմտյան Եվրոպայի որոշ երկրներ ապրիլին դարձել են համաճարակի հիմնական կենտրոնները:
