ԱՄՆ նախագահ Ջո Բայդենը դիմել է ամերիկացիներին՝ կոչ անելով անհապաղ պատվաստվել կորոնավիրուսի դեմ: Նախագահի կոչը հեռարձակել է NBC հեռուստաալիքը: Բայդենը հիշեցրել է, որ ԱՄՆ կառավարությունը մտադիր է երկրի չափահաս բնակչությանն ամբողջովին ապահովել պատվաստանյութով:
«Պատվաստումն անվճար է: Այն թույլ կտա պաշտպանվել կորոնավիրուսի նոր շտամներից, պաշտպանել շրջապատին վարակից , նպաստել տնտեսության ու տուրիզմի զարգացմանը:
Շնորհակալություն, եթե դուք պատվաստվել եք, եթե մտադիր եք պատվաստվել, խնդրում եմ անցեք այդ կուրսն ամբողջությամբ: Անհրաժեշտ է մի քանի տասնյակ միլիոն մարդկանց պատվաստել, որպեսզի մեր պայքարը կորոնավիրուսի դեմ արդյունավետ լինի»,- ասել է նախագահը:
Հիվանդության կանխարգելման և վերահսկման դաշնային կենտրոնի տվյալներով՝ ԱՄՆ բնակության 39.5 տոկոսը պատվաստվել է, ավելի քան 131.2 մլն մարդ ստացել է գոնե մեկ դեղաչափ: Մոտ 25.4 տոկոսը անցել է պատվաստման ամբողջական կուրսը:
Ջոն Հոփկինսի համալսարանի տվյալներով՝ ԱՄՆ-ում համավարակի հայտնաբերումից մինչև այժմ հիվանդացել է 31.6 մլն մարդ: Մահացել է 567.210 մարդ: Երկու ցուցանիշով է ԱՄՆ-ը գրավում է աշխարհում առաջին տեղը:
