Ամերիկահայ հայտնի գործարար Նուբար Աֆեյանին պատկանող ամերիկյան Moderna ընկերության պատվաստանյութը երկրորդ դեղաչափի ստացումից 1,5 տարի անց 90-տոկոսանոց արդյունավետություն ունի: Այս մասին հայտնել է ընկերությունը:
Ավելի վաղ հաղորդվել է 94,5 տոկոս արդյունավետության մասին:
Պաշտպանությունը պահպանվում է 6 ամսվա ընթացքում: Սակայն երկարաժամկետ արդյունավետության մասին տվյալները դեռ նախնական են:
Ապրիլի 13-ի դրությամբ աշխարհում այդ պատվաստանյութի 64,5 մլն դեղաչափ է ներարկվել:
Նշենք, որ Moderna-ի պատվաստանյութը խորհուրդ է տրվում ներարկել երկու անգամ մեկ ամիս ինտերվալով: Այն նախատեսված է մինչեւ 18 տարեկան անձանց պատվաստելու համար:
Հակացուցված է նրանց, որոնց մոտ սուր ալերգիկ ռեակցիա է եղել առաջին դեղաչափի ժամանակ: Բացի m-PHK մոլեկուլից, դրա կազմի մեջ մտնում են լիպիդներ, պոլիէթիլենգլիկոլ, նատրիումի ացետատ եւ այլ օժանդակ նյութեր:
Պատվաստանյութը կարելի է պահպանել ստանդարտ ջերմաստիճանի պայմաններում՝ ըստ Ցելսիուսի 2-8 աստիճան:
Նշենք, որ Հայաստանում այդ պատվաստանյութը դեռ հասանելի չէ, եւ տվյալներ չկան՝ երբ այն կներմուծվի: