Վրաստանում այսօրվանից՝ մարտի 30-ից քաղաքացիները կարող են պատվաստվել նաև Pfizer պատվաստանյութով:
Պատվաստումները կընթանան վեց կլինիկաներում, հայտնում է Ալիք Մեդիան։
Առողջապահության փոխնախարար Թամար Գաբունիան նշել է, որ այս պահի դրությամբ Astrazeneca -ի պատվաստանյութով պատվաստվում են 20 կլինիկաներում: Հարկ եղած դեպքում` կլինիկաների թիվը կավելանա:
Մարտի 25-ից քաղաքացիները հնարավորություն ունեն ընտրություն կատարել երկու պատվաստանյութի միջև: Մեկ օրվա ընթացքում Pfizer –ով պատվաստվելու համար 6000-ից ավելի մարդ է գրանցվել:
Այս պահի դրությամբ պատվաստվելու համար գրանցվում են ռիսկային երկու խմբեր՝ բուժաշխատողներն ու 65-ն անց տարիքի քաղաքացիները:
Հիշեցնենք`95 տոկոսանոց արդյունավետություն գրանցած Pfizer պատվաստանյութի 29 500 չափաբաժին Վրաստանը ստացել է մարտի 23-ին: