Կորոնավիրուսի դեմ իմունիտետը չի ձեւավորվում պատվաստվածների միջինը 10 տոկոսի մոտ։ Այս մասին հայտարարել է Роспотребнадзор-ի ղեկավար Աննա Պոպովան։ «Երկիր մոլորակի բնակչության տասը տոկոսը կամ ցանկացած քաղաքի կամ բնակավայրի բնակչության տասը տոկոսը, միջինն այսքան մարդ չի արձագանքում պատվաստմանը։ Ընդ որում, սա ոչ միայն կորոնավիրուսի դեմ պատվաստումներին է վերաբերում, այլ բոլոր պատվաստանյութերին»,- ասել է Պոպովան։
Նա նաեւ մանրամասնել է, որ հիմնական խնդիրը բնակչության հիմնական մասին վիրուսի դեմ պաշտպանվածությամբ ապահովելն է, իսկ այդ տասը տոկոսը նույնպես կլինեն պաշտպանված, քանի որ վիրուսը պարզապես տարածվելու տեղ չի ունենա էլ։