Եթե քաղցրի կարիք եք զգում, ավելի օգտակար է մրգեր ուտել, քան թխվածքաբլիթ կամ կոնֆետ։
Քաղցրի պահանջը օգնում են հագեցնել սալորը, կիվին, ավոկադոն և նարինջը։
Մեծ քանակությամբ շաքարավազի օգտագործումը և պատրաստի քաղցրավենիքը կարող են բացասաբար անդրադառնալ առողջության վրա՝ քաշի ավելացում, արյան մեջ շաքարի քանակի բարձրացում և ի վերջո սիրտանոթային հիվանդությունների առաջացում։
Երբ քաղցրի պակաս եք զգում, նպատակահարմար է հնարավորինս առողջ այլընտրանքային տարբերակներ մշակել։ Մրգերի մասին խոսելով մասնագետները նշում են՝ դրանք բնական շաքարի ամենացածր կոնցենտրացիան ունեն և հարուստ են մանրաթելերով, վիտամիններով ու հանքանյութերով, այս մասին հայտնում է «Health» առողջապահական կայքը։
Սալորը բավականին քաղցր միրգ է, որպեսզի հագեցնի շաքարի պահանջը։ Վերջինիս առավելությունն է նաև բարձր հակաօքսիդիչների մակարդակը, որոնք պահպանում են արյան կայուն գլյուկոզան և բարելավում են մարսողությունը։
Նարինջը քիչ քանակությամբ շաքար է պարունակում, բայց նրանում շատ է C վիտամինը։ Պետք է հիշել՝ երբ քաղցրի պահանջ է զգացվում, ավելի լավ է ուտել ամբողջական միրգը, քան խմել նրանից ստացված հյութը. միրգն ավելի շատ մանրաթելեր է պարունակում։
Կիվին քաղցր, բայց շաքարի քիչ քանակությամբ միրգ է։ Այն պարունակում է C վիտամին և բարձրացնում է իմունային համակարգը։
Հաջորդ միրգը ավոկադոն է, որը չի պարունակում շաքար, բայց հագեցած է ճարպերով, որն ամրապնդում է սրտի աշխատանքը և իջեցնում է խոլեստերինը։
Աննա Գալուստյան
