Ճապոնիայում Pfizer-ի և BioNTech-ի կողմից մշակված կորոնավիրուսային պատվաստանյութի խմբաքանակի մի մասը վերացնում են: Դա պայմանավորված է նրանով, որ երկրում հատուկ ներարկիչները չեն բավականացնում: Այս մասին հայտարարել է նախարարների կաբինետի քարտուղար Կացունոբու Կատոն:
Pfizer պատվաստանյութի մեկ սրվակը նախատեսված է վեց ներարկման համար։ Նշվում է, որ Ճապոնիան պատվիրել է պատվաստանյութի 144 միլիոն դոզա: Սա բավարար է 72 միլիոն մարդու համար: Եթե հատուկ ներարկիչներ չհայտնվեն, միայն 60 միլիոնը կկարողանա պատվաստվել, հայտնում է Reuters-ը:
Պատվաստումները Ճապոնիայում մեկնարկում են փետրվարի 17-ին: Ներկայումս իշխանությունները հույս ունեն, որ հատուկ ներարկիչների արտադրությունը կհաջողվի սկսել, նախքան արժեքավոր դեղորայքի ոչնչացումը:
