Հունվարի վերջի դրությամբ ամբողջ աշխարհում կիրառվել է հակակորոնավիրուսային պատվաստանյութի ավելի քան 84,9 միլիոն դեղաչափ (մոլորակի 100 բնակչի հաշվով 1,1 դեղաչափ)։ Այդ մասին վկայում են Our World in Data կայքի տվյալները:
Իսրայելը շարունակում է մնալ առաջին տեղում՝ բնակչության պատվաստումների մակարդակի առումով։ Յուրաքանչյուր 100 մարդու համար այնտեղ առկա է 48,9 դեղաչափ։ Զգալի բաց կա նաև մայրցամաքների միջև: Պատվաստումների ծրագրերը դեռ պետք է մեկնարկեն Աֆրիկայում։
Քիչ հարուստ երկրներն ապավինում են COVAX ծրագրին, ըստ որի, ինչպես սպասվում է, տարեվերջին նրանք կստանան 2 միլիարդ դեղաչափ: Ըստ կայքի ՝ ամբողջ աշխարհում ութ տարբեր պատվաստանյութեր են կիրառվում: Pfizer-BioNTech պատվաստանյութը, որը 95% արդյունավետ է, ներկայումս օգտագործվում է 49 երկրում: Մի քանի այլ երկրներ հաստատել են պատվաստանյութերը, բայց դեռ չեն սկսել կիրառել դրանք: Այս բոլոր պատվաստանյութերը պետք է կիրառել երկու դեղաչափով՝ վիրուսից լիարժեք պաշտպանության համար:
