Case Reports in Women’s Health ամսագրում գիտնականները նկարագրել են ներարգանդային պարույրի օգտագործման ժամանակ հազվագյուտ բարդացում, հաղորդում է LiveScience-ը:
Բժիշկների զեկույցի համաձայն՝ 47-ամյա պացիենտը դիմել է բժշկի՝ մեզի մեջ արյան, աճուկի շրջանում ցավի, սեռական շփումների ժամանակ ցավի բողոքներով: Գործիքային հետազոտությունը ցույց է տվել, որ T-աձեւ պղինձ պարունակող ներարգանդային պարույրը, որը պացիենտը օգտագործել է արդեն 10 տարի, ծակել է արգանդն ու միզապարկի պատը:
Բժիշկները ենթադրել են, որ միզապարկի մեջ պարույրի ներթափանցումը տեղի է ունեցել աստիճանաբար: Հետազոտության պահին պարույրի այն հատվածում, որն արդեն ներթափանցել է միզապարկի մեջ, ձեւավորվել է միզաքար:
Բժիշկներին հաջողվել է կոտրել միզաքարը լազերի օգնությամբ, որից հետո հաջողվել է հանել պարույրը սովորական միջոցով: 4 շաբաթ անց հետազոտությունը ցույց է տվել, որ միզապարկից մեզն արդեն չի հայտնվել պացիենտի հեշտոցում:
Գիտնականների խոսքով՝ 10 տարի անց ախտանիշների հայտնվելու դեպքը կարելի է իսկապես հազվագյուտ անվանել:
