Հունվարի 18-ից Ռուսաստանի շրջաններում սկսվում են կորոնավիրուսի դեմ զանգածային պատվաստումները։ Պատվաստվել կարող են ցանկություն ունեցող բոլոր բնակիչները։
Նրանք կարող են անվճար պատվաստվել գրանցված 2 պատվաստնյութերից մեկով։ Դրանք են «Спутник V»-ն (մշակված է Գամալեայի անվան ինստիտուտի կողմից) և «Эпиваккорона»-ն (մշակված է «Վեկտոր» գիտական կենտրոնի կողմից), հայտնում է TASS-ը։
Երկրում պատվաստումները սկսվել էին դեկտեմբերի 10-ից, սակայն պատվաստվել կարող էին բժիշկները, ուսուցիչները և քրոնիկական հիվանդություններ ունեցող անձինք։
Նշվում է, որ մինչև հունվարի վերջ քաղաքացիական շրջանառության մեջ կդրվի հակակորոնավիրուսային պատվաստանյութի մոտ 2․1 մլն դեղաչափ։