ԱՄՆ Ներկայացուցիչների պալատի անդամ, հանրապետական Քեյվբին Բրեյդին, ով դեկտեմբերին պատվաստվել էր Pfizer ընկերության կողմից արտադրված հակակորոնավիրուսային պատվաստանյութի առաջին դոզայով, վարակվել է կորոնավիրուսով։ Այս մասին կոնգրեսմենը գրել է իր թվիթերյան էջում։ Բրեյդին հայտնել է, որ գտնվում է կարանտինի մեջ, իսկ պատվաստանյութի առաջին դոզան ստացել է դեկտեմբերի 18-ին։ Բուժումը կսկսի արդեն վաղը։ Նշենք, որ ԱՄՆ-ում երկու ընկերության պատվաստանյութ է ստացել կիրառվելու արտոնություն՝ Pfizer-ի եւ Moderna ընկերության արտադրածները։
