Մարտի սկզբից ի վեր COVID-19-ով մահացած 602 լրագրողների մահացությունների կեսից ավելին տեղի է ունեցել Լատինական Ամերիկայում ՝ 303: Դրան հաջորդում են Ասիան (145), Եվրոպան (94), Հյուսիսային Ամերիկան (32) և Աֆրիկան (28):
«Իրենց մասնագիտության բերումով լրագրողները, ովքեր գնում են իրադարձությունները լուսաբանելու համար, հատկապես խոցելի են վիրուսի նկատմամբ: Նրանցից ոմանք, մասնավորապես` անկախ մասնագետները և լուսանկարիչները, պարզապես չեն կարող տնից աշխատել », – ասել է կազմակերպության գլխավոր քարտուղար Բլեզ Լամպան:
Պերուն շարունակում է մնալ մահացության ամենաբարձր ցուցանիշ ունեցող երկիրը. մարտից ի վեր այնտեղ մամուլի 93 աշխատակից է մահացել: Երկրորդ տեղում Բրազիլիան է (55): Հնդկաստանում մահացել է 53, Մեքսիկայում ՝ 45, Էկվադորում ՝ 42, Բանգլադեշում ՝ 41, Իտալիայում ՝ 37, ԱՄՆ-ում՝ 31, Պակիստանում ՝ 22, Թուրքիայում ՝ 17, Մեծ Բրիտանիայում ՝ 13, Պանամայում ՝ 11 , Բոլիվիայում՝ 9 լրագրող:
