Ճապոնիայում և Ֆինլանդիայում հայտնաբերվել են կորոնավիրուսի «բրիտանական» և «աֆրիկյան» շտամներով վարակման դեպքեր։
NHK հեռուստաալիքի փոխանցմամբ՝ Հարավաֆրիկյան Հանրապետությունից վերադարձած 30-ամյա կնոջ մոտ թեստի պատասխանը դրական է եղել։ Մանրակրկիտ ուսումնասիրությունները հաստատել են, որ նա վարակված է ՀԱՀ-ում տարածվող շտամով։ Սա Ճապոնիայի տարածքում առաջին նման դեպքն է։ Բացի այդ, 6 ճապոնացու մոտ հաստատվել է վարակի բրիտանական տեսակով վարակում։ Այսպիսով՝ Ճապոնիայում ընդհանուր առմամբ COVID-19-ի մուտացիաներով վարակված 15 մարդ կա։
Իր հերթին Ֆինլանդիայում, ինչպես հայտնում է DW պարբերականը, հայտնաբերվել է բրիտանական շտամով վարակման 2 դեպք։ Կա ևս մեկ վարակակիր, ում մոտ հաստատվել է վիրուսի հարավաֆրիկյան տեսակը։