Ռուսաստանի խաղաղապահ զորախմբի հատուկ նշանակության բժշկական ստորաբաժանումը շարունակում է օգնություն տրամադրել բնակչությանն ինչպես Ստեփանակերտում, այնպես էլ Լեռնային Ղարաբաղի այլ բնակավայրերում, հայտնում է ՌԴ ՊՆ-ը:
Ռուս խաղաղապահները ստեղծել են բազմաֆունկցիոնալ բժշկական բրիգադներ՝ Լեռնային Ղարաբաղի հեռավոր բնակավայրերում ռազմական բժիշկների դաշտային աշխատանքն ապահովելու համար: Անցած մեկ օրվա ընթացքում ռուս զինվորական բժիշկները բժշկական օգնություն են ցուցաբերել Գիշի գյուղի 35 բնակչի:
Ընդհանուր առմամբ, Լեռնային Ղարաբաղի ավելի քան 800 բնակիչներ որակյալ բժշկական օգնություն են ստացել ՊՆ դաշտային հիվանդանոցում, այդ թվում՝ 100 երեխա:
Դիմած բոլոր քաղաքացիները որակավորված թերապևտների, վիրաբույժների և այլ մասնագետների կողմից հետազոտվելուց հետո ստացել են խորհրդատվություն և անհրաժեշտ նշանակումներ:
Տեղի բնակիչների դիմումները, որպես կանոն, կապված են տարբեր քրոնիկ հիվանդությունների, սրտանոթային և էնդոկրին համակարգերի հիվանդությունների սրացման և ատամնաբուժական օգնություն ստանալու հետ:
Ստորաբաժանումներում աշխատում են ավելի քան 60 մասնագետներ, այդ թվում՝ ռազմական վիրաբույժներ, անեսթեզիոլոգ-ռեանիմատոլոգներ, թերապևտներ և համաճարակաբաններ: