Աշխարհի ամենահարուստ մարդկանցից մեկի՝ Բիլ Գեյթսի հիմնադրամը 100 միլիոն դոլար է հատկացրել նոր տիպի կորոնավիրուսի դեմ պայքարի համար։ Դրամական այս խոշոր նվիրատվությունը կհատկացվի միջազգային կառույցներին, որոնք պայքարում են այդ վիրուսի դեմ։ Այս մասին տեղեկացնում է հիմնադրամի պաշտոնական կայքը։
Այդ կառույցների շարքում է նաեւ Առողջապահության համաշախարհային կազմակերպությունը։
Նշենք, որ 60 միլիոն դոլարը կուղղվի վիրուսի դեմ պատվաստանյութի մշակման աշխատանքների արագացմանը, 20 միլիոն դոլարը հիվանդացության դեպքերի բացահայտմանը եւ վիրուսակիրների բուժմանը, իսկ մնացած 20 միլիոնն էլ՝ Աֆրիկայի եւ Հարավային Ասիայի բնակչության պաշտպանությանը։