ՀՀ ԿԵ սննդամթերքի անվտանգության տեսչական մարմինը վստահեցնում է, որ ներմուծվող մրգերն անվտանգ են։
Մարմինն անդրադարձել է վերջին օրերի ընթացքում մամուլում և սոցիալական ցանցերում տարածված տեղեկատվությանը։ Ըստ որի՝ նոր կորոնավիրուսային վարակը փոխանցվում է բանանի կամ Չինաստանից ուղարկված ծանրոցների միջոցով:
Նշվում է, որ, համաձայն Առողջապահության համաշխարհային կազմակերպության՝ վարակը փոխանցվում է օդակաթիլային և կոնտակտային (սերտ շփման) ճանապարհով՝ մարդուց մարդ, իսկ Չինաստանում՝ նաև կենդանիներից մարդուն:
Ավելին՝ մրգերի կամ ծանրոցների մակերեսների վրա հարուցիչը չի կարող երկար գոյատևել և հանդիսանալ վարակի տարածման աղբյուր:
