44 օր մենք հաղթում էինք, բայց պարզվում է ոչ թե պարտվել ենք, այլ կապիտուլյացիա ենք ստորագրել։ Լրագրողների հետ հանդիպմանը նման կարծիք հայտնեց հոգեբան Միհրդաթ Մադաթյանը։
«Մենք հավատացել ենք հաղթանականին, ցանկացել ենք հաղթել դա եղել է մեր ցանկությունը, ուստի 44 օր հավատացել ենք այդ իրավիճակին։ Բայց երբ հայտի դարձավ կապիտուլյացիան՝ ունեցանք լուրջ սթրեսային իրավիճակ»,-ասաց նա։
Մադաթյանի խոսքով՝ սթրեսային երկրորդ փուլը ագրեսիայի արտահայտումն էր և մեղադրանքը, որը հիմա ընթանում է։
«Իրավիճակը դանդաղ վերափոխվում է մի իրավիճակի, որն անվանում ենք՝ առևտրի։ Եթե նկատել եք՝ հիմա հաճախ ենք ասում, իսկ այս տարածքը տալու ենք, իսկ սահմանը ոնց է անցնելու, սա մերն է, թե մերը չէ»,-ասաց հոգեբանը՝ հավելելով, որ հաջորդ վիճակը ազգովի դեպրեսիայի վիճակն է, որին կհաջորդի ընդունման վիճակը։