Քիմ Քարդաշյանը ֆեյսբուքյան իր էջում տեղեկացրել է Լոս Անջելեսի Կալիֆոռնիայի համալսարանին և Բերկլիի Կալիֆոռնիայի համալսարանին կից գործող «Թաքնված ճանապարհ նախաձեռնություն» (Hidden Road Initiative) ՀԿ-ի նախաձեռնության մասին, որի նպատակն է աջակցություն տրամադրել Արցախի տեղահանված բնակիչներին:
Նախաձեռնության անվանումն է «Տոնական ուսապարկեր Արցախի համար» և այն նպատակ է հետապնդում ուրախություն պարգևելու արցախյան պատերազմի հետևանքով տեղահանված երեխաներին: Նրանց համար նվերներ են պատրաստվում ուղարկել, որին կարող են միանալ բոլոր ցանկացողներն ԱՄՆ-ում:
