Թուրքիայի իշխանությունները նախատեսում են անվճար պատվաստել երկրի քաղաքացիներին կորոնավիրուսային վարակի դեմ: Այս մասին հայտարարել է Թուրքիայի առողջապահության նախարար Ֆահրեթթին Քոջան, փոխանցում է Hürriyet թերթը:
Նախարարի խոսքով ՝ չինական պատվաստանյութեր արտադրող «Sinovac»-ի հետ բանակցություններն արդեն ավարտվել են, բոլոր իրավական բաղադրիչները քննարկվել են, և ստորագրվել է համաձայնագիր:
«Պատվաստանյութի առնվազն 10 միլիոն դեղաչափ արդեն ուղարկվել է՝ պատվաստումները սկսելու համար», – ասել է Քոջան:
Նա շեշտել է, որ Թուրքիայի քաղաքացիների պատվաստումները կատարվելու են բացարձակապես անվճար: