ԱԺ «Իմ քայլը» խմբակցության պատգամավոր Գայանե Աբրահամյանը վայր է դնում մանդատը։ Այդ մասին նա հայտնել է ֆեյսբուքյան իր էջում։
«Սիրելի հայրենակիցներ,
Այս օրերին փորձել եմ հնարավոր բոլոր ջանքերը ներդնել իրավիճակը փոքր-ինչ մեղմելու եւ վատթարագույնը կանխելու համար, սակայն այս պահից ՀՀ Ազգային Ժողովի պատգամավորի կարգավիճակում անելիքս համարում եմ սպառված: Ներողություն եմ խնդրում բազմաթիվ սխալների համար», — գրել է նա։
Հիշեցնենք, որ «Իմ քայլը» խմբակցությունից դուրս գալու մասին հայտարարել էր պատգամավոր Թագուհի Թովմասյանը, իսկ փոխվարչապետի աշխատակազմի ղեկավար Վարագ Սիսեռյանը որոշում էր ընդունել դուրս գալ աշխատանքից և «Քաղաքացիական պայմանագիր» կուսակցությունից։
