Ռուսաստանը Լեռնային Ղարաբաղ կուղարկի 22 ԻԼ-76 ռազմական տրանսպորտային ինքնաթիռ։ Այս մասին հաղորդում է «ՌԻԱ Նովոստի»-ն՝ հղում անելով ՌԴ Պաշտպանության վերահսկողության ազգային կենտրոնի հրապարակված տեսանյութին։
11 ինքնաթիռ այս պահին ՀՀ-ի ճանապարհին են, մինչդեռ ևս 11-ը բեռնված սպասում են թռիչքին։
Առաջին Իլ-76 ինքնաթիռը, որում ռուսական խաղաղապահ ուժերի հրամանատարությունն էր, արդեն իսկ ժամանել է Հայաստան։
«Ռուսական խաղաղապահ ուժերի հրամանատարության սպաներին տեղափոխող Իլ-76 ռազմական տրանսպորտային ինքնաթիռը վայրէջք է կատարել Էրեբունի օդանավակայանում։ », — հայտնել է ՌԴ ռազմական գերատեսչությունը։
Խաղաղապահ առաքելության իրականացման համար Լեռնային Ղարաբաղ է մեկնելու 1960 զինծառայող, ինչպես նաև 90 զրահափոխադրիչ ու 380 միավոր ավտոմոբիլային և հատուկ տեխնիկա։
