Չինական իշխանությունները որոշում են կայացրել Ուհան քաղաքում կարանտին հայտարարել։ Հիշեցնենք, որ սա հենց այն քաղաքն է, որտեղ բռնկվել եւ սկսել էր տարածվել կորոնավիրոսը։
Ինչպես գրում է The New York Times պարբերականը, դադարեցվելու է տրանսպորտային հաղորդակցությունը քաղաքի ներսում։ Դադարեցվելու են նաեւ արտաքին աշխարհի հետ տրանսպորտային հաղորդակցության բոլոր ձեւերը։
11 միլիոնանոց Ուհանի բնակիչներին արգելվել է լքել քաղաքը: Իշխանությունները փակում են օդանավակայանը, կայարանները, կդադարեցվի նաև հասարակական տրանսպորտի աշխատանքը:
Նշենք, որ Չինաստանում նոր տիպի թոքաբորբով հիվանդների թիվը հասել է 617-ի. դրա հարուցիչը 2019-nCoV կորոնավիրուսն է: Նրանց մեծ մասը՝ 444 դեպք, գրանցվել է Հուբեյ գավառում: Այս նույն վայրում են արձանագրվել նաև բոլոր մահացու դեպքերը՝ 17: Այս մասին գրում է ՏԱՍՍ-ը:
Առողջապահության համաշխարհային կազմակերպությունը ողջունել է Չինաստանի իշխանությունների այդ որոշումը: