«System of a down» աշխարհահռչակ ռոք խմբի մենակատար Սերժ Թանկյանն այս օրերին անհանգստացած է Արցախում զարգացող իրադարձություններով։ Երաժիշտը չի դադարում սոցիալական հարթակներում հետեւորդներին ակտիվորեն տեղեկացնել իրավիճակի մասին՝ կոշտ արձագանքելով հակառակորդի գործողություններին։
Թանկյանն այս անգամ վերահրապարակել է լրատվամիջոցի գրառումն այն մասին, որ Ադրբեջանի կողմից Արցախի անտառածածկ տարածքներ են հրդեհվել՝ սպիտակ ֆոսֆորի զինատեսակի կիրառմամբ: Երաժիշտն այդ գործողությունները հանցագործություն է որակում։
«Սա էկոլոգիական հանցագործություն է, որն Ադրբեջանի կողմից օգտագործվում է որպես ռազմական մարտավարություն։ Բնապահպանական կազմակերպությունները պետք է խոսեն սրա դեմ»,- գրել է Թանկյանը՝ հրապարակմանը կից նշելով դերասան Լեոնարդո դի Կապրիոյի, բնապահպան ակտիվիստ Գրետա Թունբերգի, «Գրին Փիս», «WWF», «Rainforest Alliance» կազմակերպությունների էջերը։
