Վիեննայում տեղի է ունեցել հանրահավաք և մոմավառություն՝ նվիրված Արցախյան պատերազմի զոհերին:
«Խաղաղություն Արցախին» կարգախոսի ներքո հավաքն ուղեկցվեց երաժշտական մայրաքաղաքում՝ հայ երաժիշտների ելույթով:
Վիեննայի օպերային թատրոնի առջև ելույթ ունեցան աշխարհահռչակ թավջութակահար Նարեկ Հախնազարյանը, դաշնակահար Նարե Արղամանյանը, դուդուկահար Արամ Իփեկջյանը, ջութակահար Գայանե Միրզոյանը, երգչուհիներ Ստելլա Գրիգորյանը և Թերեզա Բեգլարյանը:
Հանդիպումը կազմակերպվել էր Հայ դատի հանձնախմբի գրասենյակի և Ավստրիայի հայ ուսանողական խորհրդի կողմից:
