Հանրաճանաչ իսրայելցի ջութակահար Սերգեյ Օստրովսկին աջակցություն է հայտնել Հայաստանին ու Արցախին։ Այս մասին հայտնում է Հայաստանի ազգային ֆիլհարմոնիկ նվագախմբի Facebook-յան էջը։
«Անսահման մտահոգված եմ, որ նորից Թուրքիան Ադրբեջանի միջոցով հարձակվել է Հայաստանի վրա՝ Լեռնային Ղարաբաղում, եւ ռմբակոծում է հայկական քաղաքներն ու բնակչությանը։
Եվ շատ հիասթափված եմ, որ իմ երկիրը զինամթերք է վաճառում Ադրբեջանին։ Բիզնեսը պետք է ունենա գոնե մի քիչ բարոյական արժեքներ։ Վե՛րջ տվեք Ադրբեջանի ագրեսիային։ Աջակցե՛ք Հայաստանին»,- նշել է նա։
