Արծրուն Հովհաննիսյանն այսօր, ճեպազրույցի ժամանակ նշել է, որ ադրբեջանական կողմը վաղ առավոտյան նորից սկսել է մարտական գործողությունները, նա հավելել է, որ Ադրբեջանը Մոսկվայում ձեռք բերված պայմանավորվածությունները չի պահում։ Ինչ ինչ պատճառներով ապակայունացնում են իրավիճակը։
«Երեք, չորս ուղղություններով սկսել են մարտական գործողությունները, թուրքական օդուժի աջակցությամբ ԱԹՍ-ներով հարվածներ են հասցնում տարբեր հատվածներում։ Հյուսիսային ուղղությամբ մեր հակաօդայիններին մեկ հակագրոհիչ է հաջողվել խոցել։ Հարավային ուղղությամբ հակառակորդը կիրառել է զրահատեխնիկա, հրետանի, Հադրութում դիվերսիոն հետախուզական գործողությունները կասեցվել է։ Հադրութ քաղաքը մեր վերահսկողության տակ է։ Գիշերային ժամերին մի փոքր հանդարտվում են և փորձում են զորքերի համալրում անել ու նորից վերսկսում հարձակողական գործողությունները»,-նշեց Արծրուն Հովհաննիսյանը։