Թուրքական լիրայի փոխարժեքըռեկորդային արժեզրկում է ունեցել ամերիկյան դոլարի նկատմամբ, ինչը տեղի է ունեցել տարածաշրջանում տեղի ունեցող աշխարհաքաղաքական ռիսկերի մեծացման ֆոնին:
Լիրայի փոխարժեքը նվազել է 0.9%-ով՝ մինչև 7.8692-ի հասնելով ԱՄՆ մեկ դոլարի նկատմամբ: Այս տարվա կորուստները հասել են 24%-ի:
Նախօրեին հաղորդվել էր, որ Թուրքիայի դոլարային պարտատոմսերի գինը չորեքշաբթի նվազել է ավելի քան մեկ ցենտով, մինչդեռ երկրի սուվերեն պարտքի ապահովագրման ռիսկերի գինն աճել է, ինչը պայմանավորված է ԼՂ շուրջ ծավալվող ռազմական գործողություններով:
Tradeweb-ի տվյալները փաստում են, որ սա ավելի քան երկու շաբաթվա ընթացքում օրվա կտրվածքով խոշորագույն անկման դեպքն է: