Կառավարությունն այսօրվա նիստին որոշեց Առողջապահական և աշխատանքի տեսչական մարմնին չորս ծառայողական ավտոմեքենա հատկացնել։ Ավտոմեքենաները մինչ այդ ամրացված էին Պետական գույքի կառավարման կոմիտեին։
Վարչապետի աշխատակազմի հաղորդմամբ՝ հատկացվող մեքենաների միջոցով տեսչական մարմինը հնարավորություն կունենա պատշաճ և ամբողջական իրականացնել իրեն վերապահված առողջապահության, աշխատողների առողջության և անվտանգության ապահովման բնագավառներում իրականացվող կանխարգելիչ գործունեությունը։