Կորոնավիրուսով վարակված Իտալիայի նախկին վարչապետ Սիլվիո Բեռլուսկոնին դուրս է գրվել Միլանի «Սան Ռաֆայել» հիվանդանոցից, որտեղ նա տեղափոխվել էր սեպտեմբերի 3-ին:
Բուժհաստատությունը թողնելուց հետո 83-ամյա քաղաքական գործիչը կարճ ելույթ է ունեցել հավաքված աջակիցների և հեռուստալրագրողների առջև:
«Շնորհակալ եմ, որ եկել եք: Սա իմ կյանքի ամենավտանգավոր փորձությունն էր», – ասել է «Առաջ Իտալիա» կուսակցության նախագահը:
Հինգ րոպեանոց ելույթում Բեռլուսկոնին շնորհակալություն է հայտնել իտալացի քաղաքական գործիչներին, ովքեր աջակցություն են հայտնել իրեն: Բեռլուսկոնին ասել է, որ դա իրեն օգնել է հաղթահարել ամենադժվար պահերը, որոնք շատ էին առաջին երեք օրվա ընթացքում: