Ուկրաինան չի գնի կորոնավիրուսի դեմ ռուսական պատվաստանյութը, այլ կգերադասի Եվրամիության և ԱՄՆ-ի արտադրողներինը: Այս մասին հայտարարել է Ուկրաինայի ԱԳՆ ղեկավար Դմիտրի Կուլեբան։ Հաղորդում է «ՌԻԱ Նովոստի»-ն:
Ուկրաինայի արտգործնախարարը նաև հայտնել է, որ Կիևը այս հարցով երկխոսություն է տանում ԵՄ-ի հետ և ավելի հակված են ԱՄՆ-ից COVID-19-ի դեմ պատվաստանյութ ձեռք բերելու տարբերակին։
«Երբ ես ասում եմ՝ «երկխոսություն», նշանակում է, որ արդեն մշակվում են տարբերակներ, թե ինչպես կարող ենք պատվաստանյութի հասանելիությունն ապահովել»,- ասել է ուկրաինացի նախարարը:
