Դուպլեքս հետազոտության բժիշկ, անոթաբան Ադրինա Թորգոմյանը նշում է անոթների դուպլեքս հետազոտությունը իրենից ներկայացնում է անոթների ոչ ինվազիվ հետազոտման մեթոդ, որը հնարավորություն է տալիս գնահատել արյան շրջանարության ցուցանիշները, անոթների անցանելիությունը, նեղացումների աստիճանը, պատի վիճակը, թրոմբի առկայությունը և այլն: Անոթների դուպլեքս հետազոտությունը կատարվում է գունավոր ուլտրաձայնային սկաներների միջոցով:
Արյունատար համակարգում տարբերում են զարկերակներ, մազանոթներ, երակներ: Արյունը զարկերակներով սրտից հոսում է դեպի օրգաններ: Այդ արյունը հագեցված է թթվածնով, բացառությամբ թոքային զարկերակի, որը տեղափոխում է երակային արյուն: Երակներով արյունը հոսում է դեպի սիրտ և ի տարբերություն թոքային երակների՝ պարունակում է քիչ թթվածին:
Զարկերակները ճյուղավորվելով անցնում են մազանոթների, որոնց հիմնական ֆունկցիան նյութափոխանակությունն է արյան և հյուսվածքների միջև: Կատարված նյութափոխանակությունից հետո մազանոթները միանալով հավաքվելով առաջացնում են երակներ, որոնցով արյունը հոսում է դեպի սիրտ:
Հիմնական ցուցումները
Գլխի և պարանոցի անոթների դուպլեքս հետազոտության հիմնական ցուցումներն են`գլխացավ, գլխապտույտ, աղմուկ ականջներում, գիտակցության խանգարումներ, կոորդինացիայի խանգարումներ, հեմիպարեզ:
Ստորին վերջույթների զարկերակների և երակների դուպլեքս հետազոտության հիմնական ցուցումներն են`մկանային ցավեր սրունքներում, սառը ոտնաթաթեր, ոտքերի այտուց, տրոֆիկական խոցեր, մաշկի գույնի փոփոխություններ, ոտնաթաթերի թմրածություն, երակային ցանց ոտքերի վրա:
Դուպլեքս հետազոտության համար ոչ մի տարիքային սահմանափակում չկա, քանի որ անոթների ախտահարում կարող է ի հայտ գալ ցանկացած տարիքում, իսկ դուպլեքս հետազոտությունը համարվում է առավել անվտանգ և արդունավետ մեթոդ անոթները հետազոտելու համար:
Դուպլեքս հետազոտության արդյունքում ճիշտ ախտորոշման հավանականությունը շատ բարձր է: Այն արագ, ճշգրիտ, շատ ինֆորմատիվ, անցավ, անվտանգ հետազոտություն է, որը չունի հակացուցումներ:
