Կորոնավիրուսով վարակված Իտալիայի նախկին վարչապետ Սիլվիո Բեռլուսկոնիի վիճակը սկսել է բարելավվել։ Այս մասին հայտնում է РИА Новости-ն, վկայակոչելով San Raffaele միլանյան հիվանդանոցի պրոֆեսոր Ալբերտո Ձանգրիլլոյի հայտարարությունը։ «Համալիր կլինիկական պատկերը կարծես թե բարելավվում է եւ համապատասխանում արյան քիմիական կազմին եւ իմունային սպեցիֆիկ ուժգին արձագանքին, ինչը բացատրվում է բորբոքային պրոցեսի ցուցանիշների նվազմամբ»,- ասել է իտալացի պրոֆեսորը։ Նա նաեւ ասել է, որ Բեռլուսկոնիի վիճակը անհանգստության առիթ չի տալիս, իսկ հոսպիտալացումը անհրաժեշտ է եղել, հաշվի առնելով, որ նախկին վարչապետն արդեն առաջացած տարիք ունի եւ մի քանի լուրջ հիվանդություններ է հաղթահարել։
