«Դեղերի մասին» օրենքում վերջին փոփոխությունը ենթադրում է, որ դեղերի մեծածախ վաճառք իրականացնող տնտեսվարող սուբյեկտները պետք է լիցենզավորվեն։ Իսկ դա հնարավորություն կընձեռի ԱԱՏՄ-ին՝ վերջիններիս մոտ եւս իրականացնել ստուգումներ։
ՀՀ Ազգային ժողովը դեկտեմբերի-ին երկրորդ ընթերցմամբ և ամբողջությամբ ընդունեց «Դեղերի մասին» Հայաստանի Հանրապետության օրենքում լրացում և փոփոխություն կատարելու մասին օրենքի նախագիծը:
Ըստ այդմ՝ դեղերի մեծածախ իրացման գործունեություն իրականացնող իրավաբանական անձինք եւ անհատ ձեռնարկատերերը պարտավոր են լիցենզավորվել դեղերի մեծածախ իրացման լիցենզավորման կարգի ուժի մեջ մտնելուց հետո` եռամսյա ժամկետում:
Դեղերի մեծածախ իրացման լիցենզիա ստացած անձինք պարտավոր են սույն օրենքն ուժի մեջ մտնելուց հետո չորս տարվա ընթացքում սահմանված կարգով ստանալ դեղերի պատշաճ բաշխման գործունեության հավաստագիր:
