Շատ երկրներում հասարակական վայրերում ու հանրային տրանսպորտում դիմակ չկրելու համար նախատեսված է տուգանք:
Ինչպե՞ս հարմարվել կորոնավիրուսային տարվա շոգին:
BBC-ն ներկայացնում է մի քանի օգտակար խորհուրդներ:
- Դիմակի ճիշտ ընտրություն
Լոնդոնյան կլինիկաներից մեկում աշխատող բժիշկ Ադիլ Շիրազը BBC-ին պատմել է, որ շոգին անհրաժեշտ է նախ և առաջ խուսափել սինթետիկ դիմակներից՝ նախապատվությունը տալով բամբակին: Պետք է փորձել ճիշտ չափսի դիմակ ընտրել, որպեսզի չափազանց ամուր դիմակով շնչահեղձ չլինեք, միշտ ունեցեք մեկ-երկու պահուստային դիմակ, քանի որ շոգ եղանակին դրանք ավելի հաճախ են խոնավանում:
Դիմակի գույնը ևս նշանակություն ունի: Բաց գույնի գործվածքն ավելի դանդաղ է տաքանում:
- Ավելի շատ ջուր խմել
Բժիշկ Շիրազը նաև խորհուրդ է տվել փողոցում գլխարկ կրել և ունենալ ջրի տարա, բայց խմել մարդկանցից հեռու տարածքում և հաճախ ախտահանել ձեռքերը:
- Օգտվել արևապաշտպան կրեմից
- Միառժամանակ մոռանալ կոսմետիկայի մասին
Բժիշկ-կոսմետոլոգ Անիլ Բուդ-Ռաջան հիշեցնում է, որ արևի ճառագայթները հիանալիորեն ներթափանցում են գործվածքների մեջ, այդ պատճառով դիմակի տակ գտնվող մարշկը պետք է պատել արևապաշտպան կրեմով: Նաև օգտակար է խոնավեցնող կրեմը:
Մյուս դիմահարդարման միջոցներից ավելի լավ է խուսափել:
Շենքից կամ տրանսպորտից դուրս գալուց հետո անհրաժեշտ է դիմակը հանել և ցանկալի է չթողնել կզակի վրա:
Իսկ հարցի շուրջ, թե արդյո՞ք կարիք կա դուրս գալուց հետո դիմակը սառնարանում պահել, մասնագետների կարծիքները տարբեր են:
Անգլիայի շրջաններում, ըստ եղանակային ազգային բյուրոյի կանխատեսումների, առաջիկայում ջերմաստիճանը կբարձրանա՝ հասնելով +37 աստիճան: Սա ռեկորդից ցածր է ընդամենը 1,7 աստիճանով: Լոնդոնում շոգը կշարունակվի առնվազն 5 օր: Փարիզում հանգստյան օրերին կլինի +36՝ հետագայում նվազելով մինչև +32: Բրյուսելում սպասվում է + 34 աստիճան, Ամստերդամում՝ +32: Ընդհանուր առմամբ, միջինից բարձր ջերմաստիճանը տարվա այս եղանակի համար կպահպանվի մինչև հաջորդ շաբաթվա վերջ: