Անցյալ կիրակի Չինաստանի հյուսիսում գտնվող Ներքին Մոնղոլիայի Ինքնավար Մարզում ժանտախտից մի բնակիչ է մահացել, նրա հետ սերտ կապի մեջ գտնվող 35 մարդ մեկուսացվել է: Այս մասին հաղորդել է Բատոու քաղաքի առողջապահության հարցերով կոմիտեն։
Իշխանությունները պարզաբանել են, որ տղամարդը մահացել է օգոստոսի 2-ին՝ Դարհան-Մումինգան խոշունում, լաբորատոր հետազոտությունները հաստատել են, որ տղամարդը աղիքային ժանտախտ է ունեցել:
Տեղական իշխանությունները համաճարակաբանական նախազգուշացման երրորդ մակարդակ հայտարարել: Ներքին Մոնղոլիայում ժանտախտի տարածմանն ուղղված արտակարգ իրավիճակների արձագանքման պլանի համաձայն՝ գործի են դրվել հիվանդության տարածումը կանխելու և վերահսկելու միջոցառումներ:
Իշխանությունները տեղի բնակիչներին կոչ են անում զգոն լինել, պահպանել հիգիենայի կանոնները և անհապաղ բժշկական օգնության դիմել, եթե որևէ ախտանիշ ունենան՝ ներառյալ տապը և հազը: