Կոլումբիայի իշխանությունները երկրում 1 օրում կորոնավիրուսով վարակումների ռեկորդային թվով դեպքեր են գրանցել: Այս մասին հայտնում է РИА Новости-ն՝ հղում տալով երկրի առողջապահության նախարարությանը:
Նշվում է, որ վերջին 24 ժամում Կոլումբիայում գրանցվել է 10 284 դեպք: Այսպիսով, ընդհանուր առմամբ երկրում վարակված է 267 385 մարդ:
1 օրում մահացել է 297 պացիենտ, ընդհանուր առմամբ կորոնավիրուսի հետևանքով մահացած անձանց թիվը 9074 է:
Համավարակի սկզբից ի վեր երկրում ապաքինվել է 136 690 քաղաքացի:
