Հնդկաստանում բժիշկներն անսովոր վիրահատություն են կատարել եւ հիվանդի լյարդից հեռացրել են 20 սանտիմետրանող դանակը, որը նրան հաջողվել էր կուլ տալ: Վիրահատությունը տեւեց է 3 Ինչպես պատմում է The Tribune-ը, հնդկական Հարիանա նահանգի Փալվալ քաղաքից տղամարդը հունիսի սկզբին կորոնավիրուսի պատճառով հայտարարված ինքնամեկուսացման ռեժիմի ժամանակ ցանկացել էր դանակ ուտել:
Ըստ բժիշկների՝ նա փորձել էր ծամել դանակը, բայց ի վերջո պարզապես կուլ էր տվել այն եւ ջուր խմել վրայից։ Հայտնի է, որ այս հիվանդն այդպիսի հոգեկան խանգարում ունի եւ թմրանյութեր էր օգտագործում:
Որոշ ժամանակ անց խնդիրներ էին սկսվել․ տղամարդը չէր կարողանում նորմալ ուտել, որովայնում ուժեղ ցավեր էին առաջացել, ջերմությունը բարձրացել էր: Տուժածը հոսպիտալացվել էր տեղի հիվանդանոց, ինչից հետո նրան շտապ տեղափոխել էին Դելիի ավելի խոշոր հիվանդանոց:
Ուլտրաձայնի եւ համակարգչային տոմոգրաֆիայի օգնությամբ բժիշկները պարզել էին դանակի ճշգրիտ դիրքը. դանակի ծայրը խոցել էր լյարդը, իսկ բռնակը խրվել էր տասներկումատնյա աղիքի մեջ: Այս ամենն արյունահոսության, լյարդում աբցեսի ձեւավորման եւ սեփսիսի էր հանգեցրել։
Նշվում է, որ հիվանդի լյարդի մեջ խողովակ էր դրվել, որը հինգ օր շարունակ 100 միլիլիտր թարախ էր դուրս հանում: Տղամարդուն կերակրում էին ներերակային ճանապարհով, քանի որ նա ինքնուրույն անել դա չէր կարող։
Այժմ նրա կյանքին վտանգ չի սպառնում։ Նա գիտակից վիճակում է եւ կարող է քայլել: Նրան հոգեբուժական օգնություն է ցուցաբերվում։
